“Рома” яна бир юлдуз футболчи трансферини эълон қилишга яқин

ПСЖ ярим ҳимоячиси Жоржиньо Вейналдум фаолиятини Италия А сериясида давом эттириши мумкин. Боиси, футболчига "Рома" жиддий қизиқиш билдирмоқда.

Италия матбуоти хабарига кўра, голландиялик “бўрилар” сафига ўтишга яқин турибди. Нашрнинг қўшимча қилишича, у аллақачон Рим клуби вакиллари билан шартнома борасида келишиб олган.

Вейналдум "Рома" лойиҳасини билан шахсан танишиб чиққан ва бу унга маъқул келган. Шунингдек, у Жозе Моуриньо қўл остида ўйнашни истамоқда. Футболчи португалиялик мутахассис билан шахсан суҳбатлашган ҳамда у билан ишламоқчи эканлигини маълум қилган.

Келишув келаси ҳафта ичида расман маълум қилиниши кутилмоқда.