“Рома” яқин орада ПСЖ футболчисини сотиб олганини эълон қилади

ПСЖ футболчиси Жоржиньо Вейналдум фаолиятини Италия А сериясида давом эттириши мумкин.

Италия оммавий ахборот воситалари голландиялик ярим ҳимоячи яқин орада "Рома"га ўтиши ҳақида миш-мишлар тарқалмоқда.

“La Gazzetta dello Sport” нашри хабарига кўра, парижликлар футболчини римликларга ижарага бериб юборишга рози бўлган. “Бўрилар” футболчи билан келаси мавсум якунига қадар амал қиладиган шартнома имзолайди. Жоржиньонинг маошини клублар ўртасида тенг тақсимланади. Шунингдек, келишувга Рим клуби ярим ҳимоячини тўрт миллион еврога сотиб олиш ҳақидаги банд ҳам киритилган.

Ушбу трансфер ташаббускори "Рома" бош мураббийи Жозе Моуриньо ҳисобланади. Вейналдумнинг ўзи ҳам фаолиятини Римда давом эттиришга қарши эмас.