“Рома”да катта ўзгаришлар бўлади. Шомуродов ҳам кетишга тайёр!
“Рома” жорий мавсумда ўз олдига қўйилган учта вазифадан иккитасини бажара олгани йўқ. Клуб хўжайинлари жамоани Жозе Моуриньо топширганидан кейин бу мутахассис истаган ўйинчиларнинг аксариятини олиб келиб берли. Бироқ, унинг зиммасига юкланган вазифаларнинг аксарияти уддаланмади. “Рома” А Серияда кучли тўртликдан жой олиб, келаси йили Чемпионлар лигасида ўйнаши керак эди. Энг яхши ҳолатда римликлар Европа лигасига йўлланмасини қўлга киритиши мумкин холос.
Шунингдек, жамоа Италия кубогини ютиши керак эди. Улар “Интер” тўғисиғидан ўта олмади.
Ҳозирча “Рома” Конференциялар лигасидаги юришини давом эттирмоқда ва бу турнирда ҳам ғолиб чиқишига ҳеч қандай кафолат йўқ.
.jpg?1648262377657)
Жозе Моуриньо мавсум давомидаги муваффақиятсизликларни таркибнинг кучсизлиги билан изоҳлаб келди ва ёзда бу масалада катта ўзгаришлар қилмоқчи. Биз учун эътиборлиси эса, португалиялик мутахассиснинг Элдор Шомуродовга муносабати ўзгаргани сезилиб қолмоқда.
“Ювентус”дан учралган аламли мағлубиятни легионеримизга тўнкаган Моуриньо кейинчалик Элдорни ўйнатмай қўйди. Воҳалонки, ўша учрашувни таҳлил қилган мутахассислар португалиялик мутахасссиснинг ўзи тактик курашда Массимилиано Аллегрига ютқазганини исботлаб беришди.
Айни пайтда ўзбек ва хориж матбуоти Элдор Шомуродовнинг ўз фаолияти бўйича фикрларини кенг муҳокама қилмоқда.
Ҳамюртимиз, “Рома” захирасида ўтириб қолишни истамаётганини, агар унга ўйин амалиёти берилсагина, Римда қолиши мумкинлигини таъкидлади. Бу ҳужумчи янги вариантлар бўлса, кўриб чиқишга тайёрлигидан ва у майдонда ўйнашни истаётганидан далолат беради. Шунингдек, Шомуродов Жозе Моуриньонинг унга нисбатан муносабати умумий ҳисобда яхши экани, лекин аввалгидек эмаслигини ҳам тан олган.
Вазиятни инобатга олиб, Рим клуби бош мураббийи кейинчалик ҳам Шомуродовга етарли даражада ишонч билдиришига ишониш қийин.
Хусусан, клуб ёзда трансфер қилмоқчи бўлган тўрт нафар ҳужумчи ва ҳужумкор футболчидан учтаси Шомуродов билан айнан бир хил позицияда ўйнайди. Табиийки, ҳар қандай вазиятда ҳам мураббийлар штаби Элдордан кўра, Римга янги келган ўйинчилар хизматидан фойдаланади.
Аслида Элдор Шомуродов маҳорат ва салоҳият бобида римликларнинг ҳеч бир ҳужумчисидан кам эмас. Шунчаки, унга етарли вақт беришмаяпти. Гарчи 30 та учрашувда кўриниш берган бўлса-да жами 999 дақиқа ҳаракат қилди. Шунда ҳам тўртта гол ва бешта ассист қайд этишга улгурди.
Элдор Ўзбекистон миллий терма жамоасида Қирғизистон дарвозасига тўп киритди. Демак, у ҳали гол уришни унутгани йўқ.
Шомуродов унга ўйин амалиёти тақдим этадиган жамоалар таклифини кўриб чиқиши керакка ўхшайди.
Моуриньо: Марказда битта ўйинчи қолади, қолгани кетади!
Жозе Моуриньо ёзги трансферлар вақтида майдон марказидаги ўйинчиларнинг деярли барчасини ўзгартиради. Португалиялик мутахассис ярим ҳимоячилар ўйинидан қониқиш ҳосил қилаётгани йўқ.
Calciomercato сайтининг хабар беришича. Моуриньо майдон маркази вакилларидан фақатгина жамоа сардори ва етакчиси Лоренцо Пеллегринини олиб қолишга қарор қилган.
Бош мураббийни январь ойида “Порту”дан ижара олинган Сержиу Оливейранинг хатти-ҳаракатлари ҳам қониқтиргани йўқ. Аввалига унинг трансфер ҳуқуқини сотиб олмоқчи бўлган Моуриньо кейинчалик бу фикридан қайтди.
Шунингдек, “Арсенал”дан ижарага олинган Эйнсли Мейтленд-Найлс ҳам келган жойига қайтариб юборилади, Жордан Верету трансферга қўйилади, Брайан Кристантега янги битим берилмайди. Генрих Мхитарян эса клуб манфаатидан келиб чиқиб тузиладиган шартномани қабул қилсагина Римда қолиши мумкин.
Португалиялик мураббий кетадиган ўйинчилар ўрнига гранд клубларда тажриба орттирган ярим ҳимоячиларни олишни мақсад қилган.
Моуриньо “Рома”нинг асосий трансфер нишонини белгилади
Calciomercato нашрининг хабар беришича, Жозе Моуриньо ёзги трансферлар вақтида биринчи бўлиб қайси футболчини олиб келиш кераклигини белгилаб берган.
Манбанинг таъкидлашича, римликлар ПСЖ вакили Леандро Паредесни “Рома”га қайтаришни мақсад қилган.
Аргентиналик ярим ҳимоячининг парижликлар билан амалдаги шартномаси яна бир йил давом этади. Агар томонлар янги битим имзоламаса, Паредесни ёзда харид қилиш имкони ошади.
27 ёшли ярим ҳимоячи фаолияти давомида “Бока Хуниорс”, “Кьево”, “Эмполи”, “Рома” “Зенит” каби жамоаларда тўп тепган.
Бу футболчи жорий мавсумда францияликлар сафида жами 21 та ўйин ўтказиб, битта гол ва иккита ассист қайд этди.
Ёзда таркибини янгилашни режалаштираётган ПСЖ ҳам асосий таркибга киришга қийналаётган легионерни сотиб юборига қарши эмас.
Фикрлар