"Рома"нинг бугунги ўйинини қайси телеканалда томоша қилиш мумкин?
1 октябрдан Италия чемпионатида 7-тур баҳслари старт олди. Бугун ушбу турдан ўрин олган учрашувлар давом эттирилади.
Биз учун аҳамиятлиси "Рома" иштирокидаги беллашув. Элдор Шомуродов тўп тепаётган римликлар ўз майдонида "Эмполи"ни қабул қилади.
Ўйин Тошкент вақти билан 21:00да бошланади. Учрашувни "Спорт" телеканали жонли эфирда намойиш этади.
"Рома" айни пайт А Серияда 12 очко билан 4-ўринда бормоқда. "Эмполи" эса 9 очко жамғарган ҳолда 9-поғонани банд этган.
Фикрлар