Романо: Онана "Манчестер Юнайтед"га ўтишга яқин

"Интер" дарвозабони Андре Онана фаолиятни "Манчестер Юнайтед"да давом эттириш эҳтимоли юқори. 

Фабрицио Романо хабар беришича, томонлар трансфер борасида келишувга эришиш арафасида. Унга кўра, Англия гранди Онана учун 50 миллион евро ва қўшимча 5 миллион евро тўлайди. Посбонинг ўзи аллақачон "Манчестер Юнайтед"га ўтишга рози бўлган. 

Миш-мишларга кўра, "қизил иблислар" трансфер бозорида тўхтаб қолмоқчи эмас. Клубнинг кейинги мақсади ҳужумчи сотиб олишдир. Вариантлар орасида Расмус Хёйлунн ва Гонсало Рамуш бор.