Романо: Зидан Франция терма жамоасида иш бошлаши мумкин

Яқиндагина Зинедин Зидан тез орада унинг янги иш жойи маълум бўлишини эълон қилганди. Шундан сўнг 53 ёшли мураббий Франция терма жамоасини бошқариши ҳақидаги хабарлар кўпайиб кетди. Инсайдер Фабрицио Романо ҳам буни тасдиқлади. 

Журналистнинг сўзларига кўра, мутахассис Жаҳон чемпионатидан кейин Франция терма жамоасида иш бошлаши мумкин. Дидье Дешам кетганидан кейин унинг ўрнига асосий давъогар бу Зидан, дея хабар берди Романо. 

Зинедин сўнгги бор "Реал Мадрид"да 2021 йили ишлаганди. Шундан сўнг у ҳеч қайси клуб, ёки терма жамоани бошқаргани йўқ.