Ромеро "Атлетико" нишонида: трансфер баҳоси 50 миллион евро

Кристиан Ромеро ёзги трансфер ойнасида Англиядан Испанияга йўл олиши мумкин. Бу ҳақда "Caught Offside" нашри хабар берди.

Манбага кўра, ҳозирда Лондоннинг "Тоттенхэм Хотспур" клубига тегишли бўлган марказий ҳимоячига "Атлетико Мадрид" жиддий қизиқиш билдирмоқда.

27 ёшли футболчининг трансфер қиймати 50 миллион евро атрофида баҳоланмоқда. Унинг амалдаги шартномаси 2029 йил июнь ойигача мўлжалланган.

Жорий мавсум Англия Премьер-лигасида Ромеро 23 та ўйинда иштирок этиб, 4 та гол урди ва 1 та голли узатмани амалга оширди.