Роналду ФИФАдаги коррупция, Месси ва Аргентина берилган ёрдам ҳақидаги постни лайк босди

Португалия терма жамоаси ҳужумчиси Криштиану Роналду ижтимоий тармоқдаги бир постга «лайк» босди. Ушбу постда Аргентина терма жамоаси ва ФИФА фаолияти кескин танқид қилинган эфир парчаси жойлаштирилган эди.

Видеода испаниялик журналист Пилар Родригес Лосантос 17 июль куни эфир давомида Аргентина терма жамоасининг иштирокини баҳолаб, улар турнирни анча олдин тарк этиши кераклигини айтган ва ФИФА фаолиятига шубҳа билан ёндашган.

- Аргентина тахминан беш ўйин олдиноқ мусобақани тарк этиши керак эди. Жамоа кейинги босқичларга ФИФА ёрдами билан чиқди, ФИФА эса Ер юзидаги энг коррупциялашган ташкилотлардан бири. 

Менимча, биз Аргентинага эмас, балки бутун ФИФА ташкилотига қарши ўйнаяпмиз. Улар жаҳон чемпионлигини Мессига олиб  бермоқчи, — дея таъкидлаган журналист.

Натижада Аргентина финалгача етиб борди, ҳал қилувчи баҳсда эса Испанияга 0:1 ҳисобида мағлуб бўлди. 

Аргентина терма жамоаси сардори Лионель Месси учун бу финал фаолиятидаги учинчи ҳал қилувчи ўйин бўлди. 2014 йилда унинг жамоаси Германияга ютқазган, 2022 йилда эса Аргентина Францияни мағлуб этган эди.

41 ёшли Криштиану Роналду бошчилигидаги Португалия терма жамоаси эса мусобақани 1/8 финалда тарк этди. Португалия айнан Испанияга 0:1 ҳисобида мағлуб бўлди.