Роналдо ўз қўл остидаги Ла Лига клубини сотмоқчи

Бразилия футболи афсонаси Роналдо Назарио "Реал Вальядолид" клубини сотиб юбормоқчи. 

"Cadena SER" нашрининг хабар беришича, бразилиялик собиқ ҳужумчи испан клубини сотиш бўйича ишларни бир неча ҳафта олдин бошлаган. Манбанинг ёзишича, Роналдо ва клубнинг янги эгаси жамоа сотилганини май ойида  расман эълон қилишни келишиб олишган, шунинг учун харидор номи ҳали очиқланмаган. Маълум қилинишича, келишувнинг тахминий қиймати 40 миллион еврони ташкил этади.

Эслатиб ўтамиз, Назарио "Вальодолид"га 2018 йилдан бери эгалик қилади. Унинг бошқаруви даврида жамоа икки мартта Ла Лигадан тушиб кетди. Ҳозирда клуб Испания чемпионатида 32 турдан сўнг 16 очко тўплаган ҳолда сўнги ўринни эгаллаб турибди.