Роналдо тарихдаги энг яхши футболчиларни санаб ўтди

Бразилия терма жамоасининг собиқ футболчиси Роналдо Назарио ўзи учун тарихдаги энг яхши футболчилар кимлигини айтиб ўтди.

"Пеле – биринчи ўринда, бунга ҳеч қандай шубҳа йўқ. Иккинчи поғонани Месси ва Марадона бўлишиб олишади. Кейинги ўринларда эса Зико, Ромарио, Криштиану Роналду, ван Бастен, Зидан, Фигу, Ривальдо, Роналдиньо... Жуда кўп буюк футболчилар бор. Ҳар сафар бу саволга жавоб берганимда, турли хил рўйхатлар тузаман. Фақат биринчи учлик ўзгармайди", – деди Роналдо Бразилиянинг ESPN нашрига берган интервюсида.

У энг буюк футболчи деб атаган Пеле 2022-йилнинг 29-декабрида вафот этган. У уч карра жаҳон чемпиони бўлиб, бу натижага эришган ягона футболчи ҳисобланади.