Роналду, Бензема ва Неймарнинг клублари энди катта трансферларга қўл уролмайди

Саудия Арабистони суверен фонди Профессионал лиганинг тўрт етакчи клуби – “Ал-Аҳли”, “Ал-Ҳилол”, “Ан-Наср” ва “Ал-Иттиҳод”ни молиялаштиради.

Ушбу фонд раҳбарияти клубларнинг қишки трансферларига лимит қўйди.

Испаниянинг As нашри хабар беришича, бу клублар фонднинг ёрдамисиз катта харидларни амалга ошира олмайди. Қоидага кўра, ҳар бир клуб трансфер сиёсатини ўзи юритади, бироқ ҳар қандай харид қатор талаблар асосида қилинади.

Ҳозирги пайтда клубларнинг ҳеч қайсиси давлат пулларисиз юқори савиядаги қимматбаҳо ўйинчиларни олиб келолмайди.

Эслатиб ўтамиз, Криштиану Роналду “Ан-Наср”, Карим Бензема “Ал-Иттиҳод”, Неймар эса “Ал-Ҳилол” жамоаси аъзоси ҳисобланади.