Роналду, Месси ва Неймар билан ўйнадим, энг зўри...

Бразилиялик ярим ҳимоячи Артур Мело замонамизнинг энг зўр футболчилари – Криштиану Роналду, Лионель Месси ва Неймар билан бирга ўйнаган кам сонли чарм тўп усталаридан.

Бу футболчи юлдуз ўйинчиларга баҳо берди.

- Роналду, Месси ва Неймарни ғолиблик менталитети бирлаштириб туради. Машғулот бўладими, ўртоқлик учрашувини ёки нуфузли турнир финали, улар доимо ғалаба учун борини беради. Кимга қарши ўйнашнинг уларга умуман фарқи йўқ.

Неймар финтларни зўр уддалайди, тўпни яхши олиб юради. Роналду қаерда бўлишидан қатъи назар, гол ура олади. Месси эса... Лео ўзга сайёралик.

Мен улар билан бирга ўйнадим. Ҳар бирининг ўз устун томонлари бор. Ҳаммаси кучли менталитетга эга, - деди Артур Мело.