Ronaldu 1000 ta gol urishga qanchalik jiddiy kirishgan? Futbolchining o‘zi javob berdi

Krishtianu Ronaldu faoliyatidagi 1000 ta golli natijaga erishish haqida o‘ylamasligini aytdi. 

"To‘g‘risini aytsam, faoliyatimdagi 1000 ta gol haqida o‘ylamayman ham. Albatta, siz har doim tarix yaratishni xohlaysiz, lekin men bu rekordga e’tibor qaratayotganim yo‘q", - dedi 39 yoshli "An-Nasr" forvardi. 

Ma’lumot uchun, kecha Portugaliya - Polsha bahsida (5:1) dubl qayd etgan Ronaldu faoliyatidagi gollari sonini 910 taga etkazib qo‘ydi.