Роналду 2013 йилдан буён илк бор захирадан майдонга тушиб гол урди

Бергамодаги "Атлети Адзурри" стадионида кечган учрашувда жанговар дуранг қайд этилди - 2:2. Туринликлар ҳужумчиси Криштиану Роналду мазкур беллашувни захира ўриндиғида бошлади.

Португалиялик форвард 65-дақиқада майдонга тушди ва орадан 13 дақиқа ўтибоқ, рақиб дарвозасини ишғол этишга эришди. 

Роналду сўнгги бор миллий чемпионат  баҳслари доирасида захирадан майдонга тушиб гол  киритган ҳолат 2013 йилнинг 6 апрель санасида қайд этилган эди. Ўшанда тажрибали ҳужумчи Ла Лига доирасида "Леванте"га қарши (5:1) учрашувда шундай натижага эришган эди.