Роналду 2026 йилги жаҳон чемпионатида иштирок этадими?

Криштиану Роналду 2026 йилги жаҳон чемпионатида иштирок этишини истисно этмаяпти.

“Биринчи навбатда мен келаси йил Европа чемпионатида ўйнашни хоҳлайман. Қисқа ва ўрта муддатли мақсадларни кўриб чиқиш муҳимроқ. Ундан кейин нима бўлишини кўрамиз", - деди "Ан-Наср" ҳужумчиси.

38 ёшли португалиялик футболчи Саудия Арабистонининг “Ан-Наср” клубида тўп сурмоқда. У янги жамоаси сафида 16 та ўйинда 14 та гол урди.

Эслатиб ўтамиз, 2026 йилги футбол бўйича жаҳон чемпионати АҚШ, Мексика ва Канада давлатларида ўтказилади.