Роналду билан бўлган вазиятдан сўнг хавфсизлик чоралари кучайтирилади

"Евро-2024"нинг иккинчи туридан ўрин олган Туркия - Португалия учрашувида Мартинес шогирдлари йирик 3:0 ҳисобида зафар қучди. 

Дастлаб, Бернарду Силва ҳисобни очган бўлса, 28-дақиқада Акайдин ўз дарвозасини ишғол қилиб қўйди. Иккинчи тайм бошида Роналдунинг узатмасидан сўнг Фернандеш фарқни 3 тага етказиб қўйди.

Учрашув давомида мухлислар бир неча бор майдонга тушиб, Криштиану билан суратга тушишга ҳаракат қилишди. UEFA ушбу вазиятдан келиб чиқиб, ўйинларида хавфсизликни кучайтирмоқчи. "Майдонда хавфсизлик UEFA нинг устувор йўналиши ҳисобланади. Турнир барча талабларга жавоб бериши ва бундай ҳодисалар такрорланмаслиги учун қўшимча чоралар кўрамиз", - дея баёнот берди ташкилот.

Эслатиб ўтамиз, Португалия мазкур ғалабадан сўнг плей-офф масаласини муддатидан аввал ҳал қилди.