Ronaldu bu ishni 19 yildan beri takrorlamoqda

“Yuventus” hujumchisi Krishtianu Ronaldu A Seriyaning birinchi uchrashuvida “Sampdoriya” darvozasini ishg‘ol qilib, jamoasining 3:0 hisobidagi g‘alabasiga hissa qo‘shdi.

Turinliklar to‘purari Ronaldu Evropa milliy chempionatlarida ketma-ket 19 mavsumda gol urgan futbolchiga aylandi. Bu hammaga ham nasib qilmaydigan natija.

Portugaliyalik futbolchi o‘zi to‘p surgan jamoalar – “Sportin”, “Manchester Yunayted” va “Real” tarkibida ham raqiblar darvozasini uzluksiz ishg‘ol qilib kelgan.

Krishtianu Ronaldu ayni paytda faoliyatini davom ettirayotgan futbolchilar o‘rtasida eng ko‘p gol urgan hujumchi hisoblanadi.