Роналду бу лига кучли бешликка қўшилишини таъкидлади

Фаолиятини “Ан-наср”да давом эттираётган Криштиану Роналду Саудия Арабистони чемпионати дунёда энг кучли лигалар қаторига қўшилини айтди.

- Саудия Арабистони лигаси тобора кучайиб бормоқда. Кейинги мавсум бунданда яхши бўлади. Босқичма-босқич бу лига дунёнинг энг кучли беш чемпионати қаторига қўшилади.

Бунга вақт, кучли ўйинчилар ва инфратузилма керак. Бироқ, мен бу мамлакатнинг салоҳияти юқори эканига ишонаман. Лига ажойиб даражага кўтарилади, - деди Криштиану Роналду.

Португалиялик юлдуз йил бошидан бери “Ан-Наср” шарафини ҳимоя қилмоқда. Унинг шартномаси 2025 йилгача имзоланган. Саудияликлар Роналду трансферини уддалаганидан кейин Европадан машҳур футболчиларни олиб келишга алоҳида эътибор қаратмоқда.

Хусусан, саудияликлар ПСЖ билан шартномаси якунланаётган Лионель Месси трансфери учун пулни аямаслигини билдирган.