Роналду Европанинг ҳеч бир клубига керак эмас

Криштиану Роналдуга фаолиятини давом эттириш учун янги клуб топиш унчалик ҳам осон бўлаётгани йўқ. AS журналистларининг ёзишича, марказий ҳужумчига ҳозирча Европа клубларидан бирорта таклиф келиб тушмаган.

Манбага кўра, Роналдуда Саудия Арабистони ва Қатар чемпионатларида ўйнаш имкониятлари мавжуд. Унинг хизматларига "Ал-Наср" ва "Ал-Садд" қизиқиш билдирган. Олдинроқ Саудия Арабистонида Криштиану мавсумига тахминан 200 миллион евро ишлаб олиши мумкинлиги хабар қилинганди. Бироқ кейинчалик ушбу маълумотлар тасдиқланмади.

Эслатиб ўтамиз, ноябрь ойи охирида португалиялик футболчи "Манчестер Юнайтед" билан шартномасини бекор қилганди ва эркин агентга айланди. Шунингдек, жаҳоннинг 5 карра "олтин тўп" соҳиби ЖЧдаги фаолиятини чорак финалдаёқ якунлашга мажбур бўлди. Унинг бошчилигидаги Португалия Марокаш қаршилигини енга олмади.

Фикрлар

Фикр қолдириш учун авторизациядан ўтинг!