Роналду: "Фергюсон ҳамиша менинг юрагимда қолади"

"Ан-Наср" клуби форварди Криштиану Роналду "Манчестер Юнайтед"да ўйнаган пайтда устози бўлган мураббийи Алекс Фергюсон ҳақида юқори фикр билдирди.

"Манчестерда бўлганимда, у билан кўп мулоқот қилардим. У уйимга чой ичишга келарди. Сутли чой ичар эди. У яхши инсон. Менинг юрагимда доимо қоладиган инсон, бунга ҳақли. Ҳаётим ва карьерамда менга ҳақиқатдан ҳам ёрдам берган инсон".

У сен учун ота фигураси бўлганми?

"Футболда ота? Ҳа. Менимча, менинг йўлбошчим бўлган киши? Ҳа, кўп жиҳатдан. У ҳамиша сўзларига масъул бўлар эди. Ваъдаларни бажарди. У яхши инсон, мен уни ҳурмат қиламан", – деди Роналду Пирс Морган билан бўлган интервьюсида.