Роналду гол уриш бўйича жаҳон рекордини ўрнатди

Саудия Арабистони чемпионатининг навбатдаги турида Криштиану Роналду етакчилигидаги “Ан-Наср” футболчилари “Ал-Хазм” жамоасини 5:1 ҳисобида мағлубиятга учратди.

Португалиялик юлдуз ўзи бир бор гол уриб, икки марта жамоадошларига голли пас узатди.

Статистика марказлари тарқатаётган хабарга кўра, Криштиану Роналду расмий учрашувлардаги барча голлари сонини 850 тага етказиб олди. Бу мутлақ рекорд ҳисобланади.

38 ёшли футболчи клублар миқсида 727 та тўп киритган. Португалия терма жамоасидаги голлари сони 123 тани ташкио қилмоқда. Роналду ҳар икки кўрсаткич бўйича ҳам рекордчи ҳисобланади.

Унган кейинги ўринда бораётган Лионель Месси фаолияти давомида расмий учрашувларда 818 та тўп киритган.