Роналду: "Ҳали ҳеч нарса ютмадик"

Криштиану Роналду Португалиянинг Гана устидан қозонилган ғалабаси ҳақида гапирди. 

"Жуда муҳим ғалаба ва бизнинг бу чемпионатдаги дебют ўйинимиз. Аммо ҳали ҳеч нарса ютмадик. Бу шунчаки биринчи қадам бўлди. Мақсадларимиз сари интилишда давом этамиз. Олға, Португалия", - дея ёзиб қолдирди Твиттер саҳифасида. 

Кейинги босқичда Португалия Уругвайга қарши ўйнайди. Беллашув 28 ноябрь куни бўлиб ўтиши режалаштирилган. 

Маълумот ўрнида, 37 ёшли форвард 1-тур доирасида Ганага қарши беллашувда 1 та гол урди ва учрашувнинг энг яхши футболчиси деб топилди.