Роналду ҳақиқатни айтмоқчи!

“Манчестер Юнайтед” ҳужумчиси Криштиану Роналду оммавий аборот воситалари ва ижтимоий тармоқларда ўзи ҳақида тарқатилаётган хабарларнинг аксарияти умуман ҳақиқатга тўғри келмаслигини таъкидлади.

Хусусан, ҳужумчининг “Бавария”,  “Челси”, “Атлетико” каби жамоаларга ўтмоқчи бўлаётгани ҳақидаги хабарлар ҳам рад этилди.

- Бир неча ҳафтадан кейин тўлиқ интервью берганимдан кейин ҳамма бор ҳақиқатни  билиб олади. Оммавий ахборот воситалари ёлғон тарқатяпти. Улар сўнгги ойлар давомида тарқатган юзлаб хабарлари орасида фақатгина бешта тўғриси бор эди, - деди Криштиану Роналду.

Дарҳақиқат, нафақат Европа, дунёнинг бошқа минтақаларидаги оммавий ахборот воситалари ва ижтимоий тармоқлар Криштиану Роналду Чемпионлар лигасида иштирок этиш илинжида бошқа жамоага ўтмоқчи экани ҳақида тинимсиз маълумот тарқатилмоқда.