Роналду ҳеч ким уролмаган рекордни йўққа чиқарди

Криштиану Роналду Португалия терма жамоасининг Ирландияга қарши ўтказилган учрашувида яна бир катта рекорд соҳибига айланди.

Халқаро футбол тарихи ва статистикаси федерацияси (IFFHS) 39 ёшли ҳужумчини жаҳон футболида юқори даражадаги мусобақаларда энг кўп ўйин ўтказган футболчига айланганини эълон қилди.

Ирландияга қарши баҳс Роналдунинг профессионал фаолиятидаги 1226 ўйин бўлди ва у кўп ўйин ўтказиш бўйича бразилиялик машҳур дарвозабон Рожерио Сенидан ўзиб кетди.  

Криштиану Роналду Португалия, Англия, Испания, Италия ва Саудия Арабистони чемпионатларида 698 та, мазкур давлатларнинг кубок ва Суперкубокларида 101 та, халқаро миқёсдаги мусобақаларда 220 та, терма жамоада 207 та ўйинда иштирок этган.

Португалия терма жамоаси тез орада Европа чемпионатидаги иштирокини бошлайди. Бу кўрсаткичлар яна янгиланишининг эҳтимоли жуда катта.