Роналду жамоасига зўр ўйинчини шахсан ўзи таклиф қилди

Криштиану Роналду “Ювентус” ярим ҳимоячиси Поль Погба фаолиятини “Ан-Наср”да давом эттиришини истаяпти.

TuttoJuve нашрининг маълум қилишича, 39 ёшли португалиялик юлдуз франциялик футболчини “Ан-Наср”га шахсан таклиф қилди.

Маълумки, Поль Погба ўтган йили август ойида допинг тест топширган ва текширув мусбат натижа берган эди.

29 февраль куни антидопинг суди Погбани 4 йилга футболдан четлатиш ҳақида қарор чиқарди. Футболчи апелляция берди. Спорт арбитраж суди (CAS) 7 октябрь куни дисквалификация муддати 18 ойгача қисқартирилгани ҳақида қарор чиқарди.

Энди Поль Погба 2025 йилнинг март ойидан яна расмий учрашувларда иштирок этиши мумкин. “Ювентус” ўз ярим ҳимоячиси билан ҳамкорликни давом эттирмоқчи эмас.