Роналду клубига “Реал” юлдузини олиб келадиган бўлди
“Реал” раҳбарияти асосий таркибдан жой тегмаётган Родриго Гоэсни сотишга тайёрлигини билдирганидан кейин бразилиялик футболчига харидор бўлган клублар ҳаракатга келиб қолди.
“Ан-Наср” юлдузи Криштиану Роналду 24 ёшли футболчини Саудия Арабистонига келиб, ўзи билан бир жамоада тўп тепишини истаяпти.
“Ан-Наср” 40 ёшли португалиялик юлдуз билан амалдаги шартномани яна икки йилга узайтирганидан кейин таркибни янада кучайтириш борасида иш олиб боряпти. Родригонинг номзодини шахсан Роналдунинг ўзи илгари сурмоқда.
“Қироллик клуби” яқиндаги 100 миллион еврога баҳоланган Родригога тезроқ харидор топиш мақсадида талаб қилинаётган суммани 90 миллион еврога пасайтирди.
Сўнгги маълумотларга кўра, Родригонинг ўзи Европада қолишни истаётгани бу трансфернинг амалга ошишига тўсиқ бўлиб турибди.
Комментарии