Роналду “Манчестер Юнайтед” таркибига киритилди

The Mirror нашри сунъий интеллект “Манчестер Юнайтед” тарихидаги энг кучли таркибни тузиб чиққани ҳақидаги хабарни эълон қилди.

Унга кўра, жамоа сафида турли йилларда ўйнаган энг зўр 11 нафар футболчи рамзий таркибга жамланган.

Дарвозабон: Петер Шмейхель;

Ҳимоячилар: Денис Ирвин, Неманья Видич, Рио Фердинанд, Гари Невилл;

Ярим ҳимоячилар: Рой Кин, Пол Скоулз, Бобби Чарльтон, Жорж Бест;

Ҳужумчилар: Эрик Кантона, Криштиану Роналду.

Эслатиб ўтамиз, “Манчестер Юнайтед” 1878 йилда тузилган. Бу жамоа 20 маротаба Англия чемпионлигини қўлга киритган.

Криштиану Роналду тарихий таркибга киритилганлар орасида футболчилик фаолиятини давом эттираётган ягона футболчи ҳисобланади.