Роналду “Манчестер Юнайтед”ни қаттиқ танқид қилди

“Манчестер Юнайтед” ҳужумчиси Криштиану Роналду яқин келажакда жамоа топ-клублар билан даражасига етиб олиши қийин бўлишини таъкидлади.

- Назаримда “Манчестер Юнайтед” кейинги икки-уч йил давомида юқорига кўтарила олмайди. Мен клубга ҳамма яхшиликларни тилайман, лекин мухлисларимиз ҳақиқатни билишга ҳақли. Клуб “Манчестер Юнайтед”нинг юқори чўзққига чиқишига тўсқинлик қилаётган омиллар бор, - деди Криштиану Роналду.

Айни пайтда Криштиану Роналду ва “Манчестер Юнайтед” ўртасидаги зиддият чуқурлашиб бормоқда. 37 ёшли ҳужумчи нуфузли нашрга берган интервьюсида клуб хўжайинлари, бош мураббий ва мутасаддиларни кескин танқид қилди.

Роналду январгача клуб билан амалдаги шартномани бекор қилишни истаяпти.