Роналду миллионлардан воз кечди, Месси ҳамон ўйланмоқда

"Ювентус" юлдузи Криштиану Роналду Саудия Арабистонини туристик манзил сифатида реклама қилишни истамади, дея хабар бермоқда "The Telegraph".

Маълум бўлишича, футболчига реклама компаниясида қатнашиш эвазига 6 млн евро таклиф қилинган, аммо Роналду унда иштирок этишдан бош тортган. Агар у таклифни қабул қилганида, мамлакатга ташриф буюриши лозим бўлган. Саудия Арабистонида унинг имижини реклама учун ишлатишлари мумкин эди.

Таъкидланишича, "Барселона" сардори Лионель Мессига ҳам худди шундан шартнома юборилган, аммо унинг жавоби ҳозирча номаълум. Саудия Арабистони реклама кампаниясига футбол юлдузларини жалб қилиш орқали туристик эътиборни оширишга ҳаракат қиляпти.

Яқинда ФИФА президенти Жанни Инфантино Ар-Риёдга ташрифи чоғида шундай деган эди:"Бутун дунё бу ёрга келиши лозим. Мен жуда таъсирландим".

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар