Роналду нега ўйин услубини ўзгартирди?

“Ювентус” ҳимоячиси Жоржо Кьеллини италиялик собиқ ҳужумчи Кристиан Вьери билан суҳбат чоғида жамоадоши Криштиану Роналду ҳақида айрим маълумотларни берди.

- Криштиану тиззасидаги жароҳатига қарамай ўзини яхши ҳис қилади. Лекин ёшроқ пайтига нисбатан ўйин услубини ўзгартиришга мажбур бўлди. Ҳозир у фақатгина муҳим учрашувларда зўр ўйнаяпти. Оддийроқ жамоалар билан учрашувларда у кўзга ташланмаслиги ҳам мумкин. Катта жамоаларга қарши ўйинларда эса у даҳшатнинг  ўзгинаси. Айниқса, Чемпионлар лигасида кучайиб кетади, - деди Кьеллини.

Криштиану Роналду пандемиягача бўлган даврда А серияда 22 та ўйинда 21 та гол урди.