Роналду ўзига қачон жамоа топади?

Криштиану Роналду "Манчестер Юнайтед" билан шартномасини бекор қилганидан сўнг у ҳақида турли хил миш-мишлар тарқалмоқда. Маълум бўлишича, "Ньюкасл" португалияликни қўлга киритмоқчи ва унга яхшигина таклиф беради.

Аммо Роналду ва "Ньюкасл" ўртасида ҳеч қандай музокаралар кетмаяпти. Футболчи бор эътиборини жаҳон чемпионатига қаратган. Ҳаммаси мундиалдан сўнг аниқ бўлади. Бу ҳақида Фабрицио Романо хабар бермоқда.

Роналдунинг "Челси" ва "Наполи" каби клубларга ўтиши мумкинлиги ҳақида ҳам миш-мишлар тарқалмоқда. 37 ёшли ҳужумчи ушбу мавсум барча чемпионатларда 21 та ўйинда майдонга тушиб, 5 та гол ва 4 та ассист амалга оширди.