Роналду ўзининг чўққисига қайтишга жуда яқин

"Манчестер Юнайтед" бош мураббийи Эрик тен Хаг Европа Лигаси гуруҳ босқичи 2-тури доирасидаги сафарда "Шериф" устидан қозонилган ғалаба (2:0) ҳақида фикр билдирди.

"Рафа Варан майдонга тушганида жамоадошларига етакчи сифатида ҳаракат қилди, уларга тўғри позицияларни эгаллашга ёрдам берди.

Санчо учун жуда хурсандман. У яна бир гол урди. Ҳозирча унинг ҳисобида учта гол бор. Менимча, бу яхши натижа. Аммо Жейдон ҳали янада ўсиши керак.

Роналду ўзининг чўққисига қайтишга жуда яқин. У ҳолда биз яна ҳақиқий гол машинасини кўрамиз. У бизнинг лойиҳамизнинг асосий қисми. Мен у учун хурсандман ", деди Тен Хаг.