Ronaldu Portugaliya terma jamoasini shokka tushirmoqchi

Krishtianu Ronaldu yaqinda qirq yoshga to‘ladi. Ko‘pchilik jahon futbolining eng zo‘r to‘purari faoliyatini qachon tugatishiga qiziqmoqda.

Xususan, 39 yoshli hujumchidan Portugaliya terma jamoasidan qachon ketishi mumkinligini so‘rashdi. Ronalduning javobi o‘ziga xos bo‘ldi.

- Milliy terma jamoadan ketishga qaror qilganimda, buni kutilmagan holatda amalga oshiraman. Lekin bu chuqur o‘ylangan qadam bo‘ladi. Oldindan hech qanday bayonotlar berilmaydi, - dedi Krishtianu Ronaldu.

Ronaldu Portugaliya terma jamoasida 2003 yildan beri o‘ynab keladi. Hozirgacha xalqaro miqyosda 215 ta uchrashuvda raqiblar darvozasini 135 marotaba ishg‘ol qildi. Har ikki ko‘rsatkich jahon rekordni hisoblanadi.

Bundan tashqari, Krishtianu terma jamoadagi o‘yinlari davomida jamoadoshlariga 45 ta golli uzatma bergan.