Роналду қачонгача футбол ўйнаши аниқ бўлди

“Ан-Наср” ва Португалия терма жамоаси ҳужумчиси Криштиану Роналду келажаги бўйича бир қарорга келди. 40 ёшли ҳужумчи ҳали фаолиятини тўхтатмайдиган бўлди.

Таниқли инсайдер Нкола Скиранинг ёзишича, Роналду камида 2027 йилнинг ёзигача профессионал фаолиятини давом эттиради.

Португалиялик юлдуз тез орада қайси клубга ўтишини ҳал қилиши кутилмоқда. Чунки “Ан-Наср” билан амалдаги шартнома бир ойдан кейин ўз ниҳоясига етади.

Манбага кўра, Криштиану Роналду олдида бир нечта таклиф бор ва у танловни амалга ошириши лозим.

Криштианунинг биринчи мақсади – 2026 йилги жаҳон чемпионатига бор, мундиалларда олти маротаба қатнашган ягона футболчи сифатида рекорд қўйиш. Бундан ташқари, моҳир тўпурар профессионал даражада урган голлари сонини 1000 тага етказиб қўймоқчи.