Роналду “Сантьяго Бернабеу”га борган. У “Реал”га қайтмоқчи!

Испаниянинг  Marca нашри “Ювентус” ҳужумчиси Криштиану Роналду “Реал”га қайтиш имкониятини кўриб чиқаётганини  маълум қилди.

Хабарларга қараганда, Роналду шу йилнинг 1 март куни “Сантьяго Бернабеу” мезбонлик қилган “эл-класико”ни бевосита стадионда томоша қилган.  Шу куни ҳужумчи мадридликлар раҳбари Флорентино Перес билан суҳбатлашган.

“Ювентус” португалиялик ҳужумчи учун сарф қилинган 100 миллион евронинг маълум қисмини қайтариш ва йилига 31 миллион евро олаётган қиммат ўйинчидан қутилиш учун Роналдуни ёзда трансфер қилиши мумкинлиги айтилаётган эди.

Роналдуга қизиқаётган жамоалар орасида “Реал” ҳам тилга олинмоқда. Ҳужумчи 2009-2018 йиллар давомида мадридликлар сафида тўп тепган.

Мессига қимматли маслаҳат!

Иброҳимович ўзидан кучли футболчи бўлганини тан олди

Мбаппе зўрлигини исботлай бошлади

Фикрлар

Фикр қолдириш учун авторизациядан ўтинг!