Роналду ташкиллаштирган кечки овқатга Португалиянинг 3 футболчиси келмади (фото)

"Манчестер Юнайтед" клуби ва Португалия терма жамоаси ҳужумчиси Криштиану Роналду Қатарда португалиялик жамоадошлари учун кечки овқат дастурхонини ташкил қилди. Унга 3 футболчидан ташқари барча ташриф буюрди.

Маълум бўлишича, Бернарду Силва, Жоау Канселу ва Хосе Салар оиласи ва яқинлари билан вақт ўтказаётгани сабабли тадбирга ташриф буюра олмаган. Кўплаб гап-сўзларга қарамасдан, кечки овқатда Бруну Фернандеш ҳам иштирок этган.

Аввалроқ, Роналду ва Фернандеш МЮдаги вазият сабаб яхши муносабатда эмаслиги айтилаётганди. 

Маълумот ўрнида, Португалия мундиал гуруҳ босқичи 2-турида Уругвайга қарши баҳс олиб боради. Беллашув 26-дан 27 ноябрга ўтар кечаси 00:00 да старт олади.