Роналду терма жамоага фойдадан кўра, кўпроқ муаммо келтирмоқдами?

Португалиялик агент Паулу Барбоза Криштиану Роналдунинг Португалия терма жамоасидаги роли ҳақида баҳсли фикр билдирди.

Мутахассиснинг таъкидлашича, 41 ёшли ҳужумчи ҳали ҳам юқори савияда ўйнаётган бўлса-да, унинг майдонда бўлиши жамоанинг тактик имкониятларини чеклаб қўймоқда.

"Криштианусиз Португалия ҳужумда анча вариатив ўйнай олади. У майдонда бўлганда эса қарорлар доираси тораяди. Шунинг учун менимча, ҳозир Роналду жамоа учун фойдадан кўра, кўпроқ бош оғриғи ҳисобланади", — деди Барбоза.

Португалия терма жамоаси Жаҳон чемпионатидаги иштирокини 17 июнь куни ДР Конгога қарши баҳс билан бошлайди.

Гуруҳ босқичининг қолган икки учрашувида португалияликлар Ўзбекистон ва Колумбия терма жамоаларига қарши майдонга тушади.