Роналду ва "Ан-Наср" ўртасидаги янги шартнома масаласи сўроқ остида қолди

Саудия Арабистонининг "Ан-Наср" клуби раҳбарияти Криштиану Роналдунинг "Ал-Иттиҳод"дан (2:3) кейинги ҳаракатларидан мамнун эмас. Бу ҳақда "Marca" нашри хабар берди.

Учрашув тугаши билан Роналду ғазабли ишоралар қилиб, тўғридан-тўғри стадионни тарк этган — у ҳатто кийиниш хонасига ҳам кирмаган. Ундан олдин esa майдонда ёлғиз туриб, ўз-ўзига гапирган ва ўйиндан чиқиб кетган "Ан-Наср"ни ҳафа бўлган ҳолда кузатган эди.

Манбага кўра, аввалроқ португалиялик футболчи билан икки йиллик янги шартнома бўйича келишувга эришилган эди. Бироқ, сўнгги воқеалардан сўнг музокаралар тўхтаган ва ҳозирда вазият ноаниқ. Роналдунинг амалдаги шартномаси 2025 йил 30 июнгача амал қилади.

Эслатиб ўтамиз, “Ан-Наср” чемпионат якунига 4 тур қолганида етакчи “Ал-Иттиход”дан 11 очкога ортада қолган ҳолда, турнир жадвалининг 4- поғонасини банд этмоқда.