Роналду ва Мессининг кетгани бизга яхши бўлди

“Бавария”нинг ҳужумкор футболчиси Жамол Мусиала кейинги йилларда Европа футболида етакчилик қилган Криштиану Роналду ва Лионель Мессининг бошқа қитъаларга кетгани фойдали эканини таъкидлади.

- Бу ҳолатни бир даврнинг якунланиши сифатида баҳолаш мумкин. Энди янги авлод вакилларининг даври келди.

Шарафли йўлни босиб ўтган икки буюк футболчи Европа майдонларини тарк этди. Бу ўз навбатида, ёш ўйинчиларга янги имкониятларни очиб беради, - деди Мусиала.

Криштиану Роналду йил бошида Осиёга кўчиб ўтиб, Саудия Арабистонининг “Ан-Наср” жамоасини танлади.

Лионель Месси эса, АҚШ чемпионатига йўл оладиган бўлди. Жаҳон чемпиони бундан буён “Интер Майами” жамоаси шарафини ҳимоя қилади.