Ronaldu va Pepe Turkiya bilan bahsda eski qadrdoni bilan uchrashdi (Foto)

Turkiya hamda Portugaliya terma jamoalari o‘rtasidagi "Evro-2024" o‘yini oldidan Madrid afsonalari Pepe hamda Ronaldu Hamit Altinto‘p bilan uchrashdi. 

Ko‘pchilik bilmasa ham lekin yarim himoyachi bir vaqtlari "Real"da portugaliyaliklar bilan birga to‘p tepgan. 2011/2012 yilgi mavsumda Hamit "qaymoqranglilar" safida atigi beshta o‘yinda maydonga tushgan, ammo "Bernabeu"ni La Liga sovrini bilan tark etgan. U etti yil avval professional futboldagi faoliyatini yakunlagan va hozir Turkiya futbol federatsiyasida ishlaydi. 

Ayni paytda Altinto‘p bilan tengdosh bo‘lgan Pepe va undan atigi ikki yosh kichkina bo‘lgan Ronaldu hamon futbolchilik faoliyatini davom ettirmoqda.