Роналду ёки Месси? Ван Бастен жавоб берди

"Аякс" ва "Милан"нинг собиқ ҳужумчиси Марко ван Бастен Лионель Мессининг Криштиану Роналдудан яхшироқ эканлиги ҳақида гапирди.

“Криштиану ажойиб футболчи, лекин уни Мессидан яхшироқ деганлар футболни тушунмайди ёки улар Леонинг душманлари. Месси — ўзига хос футболчи. Менимча, яқин йиллар ичида бундай даражадаги футболчи қайта туғилмайди. Унга ўхшаган ўйинчилар ҳар 50 ёки 100 йилда пайдо бўлади.

Пеле, Марадона ва Кройфф мен учун тарихдаги энг яхши учлик. Болалигимда мен Кройффга ўхшамоқчи бўлганман. Пеле ва Марадона эса ақл бовар қилмайдиган иқтидор соҳиблари ҳисобланади”, - дея ван Бастеннинг сўзларини келтиради “Corriere dello Sport” нашри.

Эслатиб ўтамиз, Месси “Олтин тўп”ни етти марта, Роналду эса беш марта қўлга киритган.