Роналдуда 2 та вариант қолди

"Манчестер Юнайтед" ҳужумчиси Криштиану Роналдуда жамоасини алмаштириш учун фақатгина 2 та вариант қолди. Португалиялик юлдуз Испания ёки Германия чемпионатига кўчиб ўтиши мумкин.

ESPN нашри хабарига кўра, португалиялик футболчининг хизматларига ҳозирча "Бавария" ва "Атлетико" клублари жиддий қизиқиш билдирмоқда.

Криштиануни ўз сафига қўшиб олиши ҳақида жуда ҳам кўп ёзилган Лондоннинг "Челси" клуби ниҳоят ушбу трансферни амалга ошира олмаслиги тобора ойдинлашмоқда.

37 ёшли Роналду ўтган мавсум барча турнирларда 39 та ўйинда майдонга тушиб, 24 та гол урди ва 3 та голга ассистентлик қилди. Унинг "Манчестер Юнайтед" билан шартномаси 2023 йилнинг ёзига қадар мўлжалланган.