Роналдуга “Реал”нинг янги бош мураббийи ёқмади

Мадриднинг "Реал" клуби форварди Криштиану Роналдуга жамоа бошқарувига Хулен Лопетегининг тайинлангани ёқмаяпти.

Хабарларга қараганда португалиялик футбол юлдузи фаолияти давомида бирор марта ҳам кўзга кўринарли ютуқларни қўлга киритмаган 51 ёшли мутахассиснинг “қироллик клуби”ни кучайтира олишига шубҳа қилмоқда.

Бундан ташқари, Лопетегининг яқиндаги интервьюларининг бирида “Барселона” форварди Лионель Мессини дунё футболи тарихидаги энг яхши футболчи деб айтгани Роналдунинг бироз ғашини ҳам келтирмоқда.