Роналдуга тақлид қилган бразилиялик футболчи: Мен ўламан деб ўйладим

"Палмейрас" ярим ҳимоячиси Габриэл Менино португалиялик ҳужумчи Криштиану Роналдунинг диетасини синаб кўришга қарор қилди.

Бразилиялик футболчининг сўзларига кўра, унинг вазни билан боғлиқ муаммолари йўқ эди, лекин у ниманидир ўзгартирмоқчи бўлди.

"Диетолог менга Криштианунинг диетасини ёзиб берди. Парҳез қуйидагича эди: нонушта - тухум ва озуқавий қўшимчалар, машғулотдан олдин - қўшимчалар, тушликда - балиқ ёки салат, тушдан кейин қўшимчалар билан газак. Кечки овқатда мен балиқ ва салат едим. Ётишдан олдин - яна озуқавий қўшимчалар.

Навбатдаги ўйинга тайёргарлик кўраётганимда, энди югура олмаслигимни англадим. Мен ўламан деб ўйладим. Беш дақиқалик ўйиндан сўнг мен бошқа югура олмадим”, - деди у.