Роналдуга янги таклиф бор

Португалия терма жамоасининг янги бош мураббийи Роберто Мартинес Саудия Арабистонининг “Ан-Наср” жамоасига кўчиб ўтган Криштиану Роналдунинг хизматларидан фойдаланишга қарор қилиб, уни терма жамоага таклиф этишини билдирди.

- Мен тезроқ португал тилини ўрганиб олишга ҳаракат қиляпман. Жаҳоннинг энг истеъдодли термаларидан бирини бошқариш имконига эга эканимдан мамнунман.

Мен Криштиану Роналдуга таянишимни айтиб қўйишим керак. Футболдаги барча қарорлар вазият жойида қабул қилинади, офисларда эмас. Футболчилар билан учрашиб, гаплашиб оламан.

Ишни жаҳон чемпионатида қатнашган 26 нафар ўйинчига таянган ҳолда ташкил қилиш керак ва Роналду ана шу ижрочилардан бири. Криштиану 19 йилдан бери терма жамоа аъзоси, шунинг учун ҳам ҳурматга лойиқ.

Биз у билан ўтириб, 10 ойдан кейин бўладиган дастлабки учрашувга энг зўр жамоани тайёрлашни муҳокама қиламиз. Мен ўзим томонда бўлган футболчиларнинг барини ҳурмат қиламан, - деди Роберто Мартинес.