Роналдуни футбол қироли табриклади

Бразилиялик футбол қироли Пеле "Ювентус" ҳужумчиси Криштиану Роналдуни А Серия чемпионлиги билан табриклади.

“Криштиану Роналду замонавий спортчи ҳисобланади. У ўз ишига меҳр билан ёндошган ҳар бир инсонга омад кулиб боқишини исботламоқда. Мен шунингдек, Дуглас Коста, Алекс Сандро ва Данило каби бразилиялик футболчиларга ҳам ўз ҳурматимни изҳор қилмоқчиман”, - дейди Пеле.

Эслатиб ўтамиз, “Ювентус” қаторасига 9-марта Италия чемпионлигини қўлга киритди.