Роналдуни тунаб кетишди

Криштиану Роналдунинг Мадейрадаги уйини ўғри уриб кетди.

Маълумотларга қараганда, номаълум шахс уй ҳудудига гараж орқали кирган. Ўғри футболчининг уйида бир неча буюмлар қатори Роналду учун қадрли бўлган “Ювентус”нинг имзоланган футболкасини ҳам олиб кетган.

Уйга кирган ўғри видеокамерага тушиб қолган ва айни пайтда шаҳар полицияси жиноят бўйича иш олиб бормоқда. Ҳозирда, ўғриликда гумонланаётган шахс қўлга олинган. Тергов-суриштирув ишлари давом этмоқда.