Роналдунинг жамоасига янги бош мураббий келиши мумкин

"Ан-Наср" Италия терма жамоаси собиқ мураббийи Лучано Спалеттини клуб бошқарувига олиб келиши мумкин.

Lа Gazzetta dello Sport нашрининг берган маълумотларига кўра, Саудия клуби яқин соатлар ичида Спаллетига таклиф жўнатмоқчи. Италиялик мутахассис учун йилига 12 миллион евролик таклиф қилишни ҳам режа қилишган.

Лучано рози бўладими ёки Европанинг катта клубларидан таклиф кутадими буни кўриш керак. Лекин "Ан-Наср" 66 ёшли мутахассисни олиб келиш учун ҳамма нарса қилишга тайёр.

Эслатиб ўтамиз, олдинроқ Спалетти 2023 йилнинг ёзидан буён бошқариб келаётган Италия миллий терма жамоасини тарк этганди. Жамоа мураббий қўл остида ЖЧ-2026 саралаш ўйинида Норвегияга (0:3) мағлуб бўлганди.