Роналдунинг кетиши "Манчестер Юнайтед"нинг фойдасига ишладими?

"Манчестер Юнайтед" бош мураббийи Эрик тен Хаг португалиялик ҳужумчи Криштиану Роналду билан хайрлашганидан кейин жамоанинг ўйини ўзгаргани ҳақидаги саволга жавоб берди.

"Агар сиз бизнинг ўйинларимизни томоша қилсангиз, бу саволга ўзингиз жавоб берасиз", - деди нидерландиялик мутахассис The Times нашрига берган интервьюсида.

Эслатиб ўтамиз, Роналду «Манчестер Юнайтед»га 2021 йилнинг ёзида Туриннинг «Ювентус» клубидан эркин агент сифатида қайтган эди. 2022 йил ноябрь ойи охирида эса томонлар шартномани муддатидан олдин бекор қилишди.

2023 йилнинг январь ойи бошидан буён 38 ёшли ҳужумчи Саудиянинг “Ан-Наср” клубида тўп сурмоқда. 2022/2023 йилги мавсумда Криштиану Саудия Арабистони чемпионатида 16 та ўйин ўтказиб, 14 та гол урди ва 5 та голли узатмани амалга оширди.

Фикрлар

Фикр қолдириш учун авторизациядан ўтинг!