Россия клуби Ўзбекистон МТЖ собиқ футболчиси билан хайрлашди

Россиянинг "Балтика" клуби 4 футболчи билан шартномани бекор қилди. Бу ҳақда клуб матбуот хизмати хабар берди.

Манбанинг маълум қилишича, клуб Виталий Денисов, Жамол Дибиргажиев, Роман Муртазоев ва Виталий Шахов билан меҳнат шартномасини муддатидан олдин бекор қилди.

Ҳамюртимиз шу йили ёзда “Балтика” билан 1+1 кўринишида шартнома имзолаганди. Аммо энди томонлар шартномани муддатидан аввал бекор қилишди.